Dalam kejuaraan Badminton beregu IWS CUP VI 2008.IWS Jogja sabagai tuan rumah .dari seksi konsumsi manyadiokan konsumsi untuk para pamain dan warga nan tibo maagiah sumangat kapado tim kasayangannyo nan sadang batanding, jo menu khas saniangbaka ,degan porsi “angkih” alias makan kanyang bara ka talok,yo sabana sero,rugi bana nan dak hadir.Samantaro itu ibu2 dari Bundo Kanduang IWS Yogya nan masih ABG( Aah..Baru ka Gaek).ndak katinggalan lo dalam manyumarakkan IWS Cup sakali ko.Untuak ka palapeh salero Ibuk2ko manyadiokan kantin IWS tantu sajo jo menu saniang baka plus minang.kalau apak2 nan batandiang lah litak raso badannyo,tulang raso kararak,batiah lah tagang dek basitungkin mangaja bulu (cock) .kantin lah siap manyadiokan minuman panambah stamina sarupo M150,katingdeng,hemaviton sarato minuman panambah energi lainnyo .tantu sajo ndak katinggalan kopi susu,kopi angek,teh talua.Sambia duduak dikantin,maota jok bagarah dek kawan maso sisuak,kawan katiko ketek sambia manduduik kopi atau teh talua..sambia maisok sabatang duo batang rokok yo sero……(kok takah ko yo namuah lo wak datang baliak kalau acara ko diadokan di jogja,ongkos ndak baraa rah tapi taragak lapeh…)

Dari arena pertandingan sendiri sampai jam 11. malam kotang baru manyalasaikan babak panyisihan group,jadi alun jaleh lai doh kamaa piala bergilir IWS CUP ko kapainyo.ataukah Sang Juara Bertahan mampu mempertahankan dominasinyo atau ka keok jo panantangnyo nan taragak pulo mambaok pulang Piala bergilir IWS CUP 2008 ko ka kotanyo surang surang .Kito tunggu sajo kabanyo dari Arena IWS CUP 2008, malam ko.basaba dunsanak….