Yth. Bapak/ Ibu/ Sdr/i, dunsanak sakampuang yang dihormati….!!

Indak taraso alah 2 tahun situs saniangbaka.org resmi online samanjak 2007, alah cukuik banyak dunsanak nan manyumbang artikel jo tulisan, khususnya tantang kaba barito banagari di nagari awak. Mungkin jo karano tabatehnyo tanago jo wakatu, sahinggo indak kasado tulisan ta layani sacaro baik oleh admin, sahinggo mungkin ado dunsanak maraso adao yang kurang dari admin, kami minta maaf salaku pangalola situs kampuang awak ko.

Hinggo hariko alah tadaftar 75 user yang hak aksesnya alah dijadikan sabagai panulis, namun hanyo baru sabagian ketek dari user yang ado tu yang ikuik manyumbangkan pikiran jo ide dalam bantuan tulisan, sahingga situs kaba barito nagari awak ko taraso kurang optimal. Sajujurnyo hinggo kini situs saniangbaka ko masih dalam tahap pengembangan dan maintenen, sampai awak dapekan format nan tapek untuk situs berita online kampuang kito ko, dan angan-angan kami salaku pengembang siste….kok dapek tagabuang saluruh sistem informasi warga saniangbaka di satiok DPD jo DPC IWS sa Indonesia.

Untuk itu kami mahimbau dunsanak yang alah mandaftarkan diri ka situs kampuang kito ko, mari kito ramikan kaba barito banagari di situs kampuang kito ko.

Wassalam

Muhammad Adri